ഗവൺമെന്റിൽ ഇന്നൊവേഷനുകള്‍ പ്രോത്സാഹിപ്പിക്കുന്നതിനും യുവ ഇന്നൊവേറ്റര്‍മാരെ പരിപോഷിപ്പിക്കുന്നതിനും പാർശ്വവൽക്കരിക്കപ്പെട്ടവരെ സാമൂഹികമായി ഉൾപ്പെടുത്തുന്നതിനുമായി കെ-ഡിസ്ക് നിരവധി പ്രവർത്തനങ്ങൾ ഏറ്റെടുത്തിട്ടുണ്ട്. താഴെപ്പറയുന്ന കാര്യങ്ങൾ ഉൾക്കൊള്ളുന്ന വിജ്ഞാന സമ്പദ്‌വ്യവസ്ഥയിലേക്ക് കേരളത്തെ എത്തിക്കാനുള്ള യാത്രയും കെ-ഡിസ്കിന്റെ ഭാഗമാണ്.

• വിദ്യാസമ്പന്നരായ തൊഴിൽരഹിതരായ സ്ത്രീകൾക്കും വിദേശത്ത് നിന്ന് മടങ്ങിയെത്തുന്നവർക്കും തൊഴിൽ നൽകുന്നതിന് വിപുലമായ നൈപുണ്യ പരിപാടി ഏറ്റെടുത്തിരിക്കുന്നത്.
• വിദ്യാഭ്യാസ സ്ഥാപനങ്ങൾ, ചെറുകിട, ഇടത്തരം സംരംഭങ്ങൾ, തദ്ദേശസ്വയംഭരണ സ്ഥാപനങ്ങൾ, സർക്കാർ വകുപ്പുകൾ എന്നിവയിൽ ഇന്നൊവേഷന്‍ പരിപാടി സംഘടിപ്പിക്കുക.
• അടിസ്ഥാന സൗകര്യങ്ങളും മാനവശേഷിയുടെ ഗുണനിലവാരവും മെച്ചപ്പെടുത്തി ആധുനിക മേഖലകളിൽ മികവിന്റെ കേന്ദ്രങ്ങൾ സൃഷ്ടിച്ചുകൊണ്ട് ഉന്നത വിദ്യാഭ്യാസ മേഖലയുടെ സമൂലമായ പരിവർത്തനം ഏറ്റെടുക്കുക.
• കൃഷി, അനുബന്ധ മേഖലകൾ, ലോജിസ്റ്റിക്‌സ്, അടിസ്ഥാന സൗകര്യങ്ങൾ, സേവന മേഖല എന്നിവയിൽ ഉത്തരവാദിത്തവും എല്ലാവരേയും ഉൾക്കൊള്ളുന്നതും പരിസ്ഥിതി സൗഹൃദവുമായ രീതിയിൽ കേരള സമ്പദ്‌വ്യവസ്ഥയുടെ ഡിജിറ്റൽ പരിവർത്തനം ആരംഭിക്കുന്നു.